काठमाडौं, श्रावण २१ । कतार एअरवेजको बिमानमा बम भएको झूठो बिवरण दिने एक ब्यक्ति पक्राउ परेका छन् । कतारको दोहाबाट लण्डनको लागि उडान भरेको बिमानमा बम राखेको भन्दै एक ब्यक्तिले कतार एअरवेजको टावरमा फोन गरेपछि बिमानलाई लण्डनको म्यान्चेष्टर बिमानस्थलमा आपतकालीन अवतरण गराइएको हो ।बिमान खानतलासी गर्दा केही नभेटेपछि झूठो बिवरण दिने ब्यक्तिलाई पक्राउ गरिएको हो । यद्यपी पक्राउ परेका ब्यक्ति कुन देशका नागरिक थिए भन्ने खुलाईएको छ्र्रैन । बिमानमा चालक दलका १३ सदस्यसहित २ सय ६९ यात्रु सवार थिए ।
