काठमाडौ, जेष्ठ ४ - बलिउड नायिका ऐश्वर्या राय बच्चनको फिल्ममा कमब्याक हुन लागेका धेरै समाचार आए, अड्लबाजी पनि चले । मधुर भण्डारकरदेखि थुप्रै प्रतिष्ठित निर्देशकमार्फत् कमब्याक हुने ऐश बारेका अनुमान यतिबेला खण्डित भएका छन् । आखिर सबैलाई पछार्दै निर्देशक सञ्जय गुप्ताले बाजी मारेका छन् । गुप्ताले सम्झौता पत्रमा ऐशको हस्ताक्षर गर्न भ्याइसकेका छन् । पूर्व विश्वसुन्दरी ऐशको पछिल्लो पटक सन् २०१० मा 'गुजारिस' फिल्म रिलिज भएको थियो । अब उनको कमब्याक फिल्म 'जज्बा' हुनेछ । निर्देशक गुप्ताले फिल्ममा ऐशको भूमिका मुख्य हुने खुलासा पनि गरे ।'तपाईंले सुनेको साँचो हो,' गुप्ताले ट्वीटरमार्फत् मुख खोलेका छन्, 'ऐश्वर्याले मेरो एक्सन/थि्रलर फिल्म 'जज्बा' मा फिमेल लिड रोलमा खेल्ने छिन् ।' जुन कुरालाई नायिकाका प्रवक्ताले पनि स्विकार गरिसकेका छन् । सन् २००७ मा नायक अभिषेक बच्चनसँग बिहे गरेपछि पनि फिल्म अभिनयलाई नछोडेकी ऐशले चार वर्षपछि छोरीकी आमा बनेपछि भने गृहस्थीमै आफूलाई व्यस्त राखिन् ।
.jpg&container=blogger&gadget=a&rewriteMime=image%2F*)
पहिले कान्समा ऐशलाई अभिषेकले साथ दिने अनुमान गरिएको थियो । तर उनी भने छोरी आराध्या मात्रै लिएर जाने भएपछि यतिबेला अर्को हल्ला चलेको
छ- ऐशको डिभोर्सको । बिहेपछि ऐशको चर्चा सेलाएको थियो । उनी घरभित्रै सीमित हुनुले ऐश बच्चन परिवारप्रति असन्तुष्ट रहेको हुन सक्ने अनुमान गरिएका थिए । पछिल्लो महिनादेखि त ऐशकी सासू जयासँग ठीकठाकको सम्बन्ध नरहेको खबरले हल्लीखल्ली नै मच्चायो । खबर यतिसम्म आयो कि, अभिषेक र ऐशले बाबुआमालाई छोडेर छुट्टै बस्ने तयारी गरेका छन् । तर अब भने ऐश र अभिषेकबीच पनि खटपट भएको अनुमान चलेको छ । ऐश एक्लै कान्स जानुलाई रुचिपूर्वक हेरिएका बेला अभिषेकले भने हल्ला निराधार बताएका छन् । उनले भनेका छन्, 'ठीकै छ । हाम्रो डिभोर्स हुन लागेको साँचो हो भने अब तिनीहरूले भनिदिनुपर्यो मेरो पुनर्विवाह कोसँग कहिले हुँदै रहेछ ?' अभिषेकले चुनौतीपूर्ण शैलीमा भने । कतै ऐशको कमब्याकको खबरले पनि यतिबेला बच्चन परिवारमा तनाव पो बढाएको हो कि ?
.jpg)
