रियल मड्रिड च्याम्पियन लिगको फाइनलमा

१७ बैशाख, काठमाडौं । बार्यन म्युनिखलाई पराजित गर्दै रियल मड्रिड च्याम्पियन्स लिग फुटबलको फाइनलमा प्रवेश गरेको छ । ९ पटकको विजेता रियल २००२ पछि पहिलो पटक फाइनलमा पुगेको हो । मंगलबार राति भएको दोस्रो लेगमा डिफेण्डिङ च्याम्पियन म्युनिखलाई ४-० ले पराजित गर्दै रियलले समग्रमा ५-० को जित निकाल्यो । पहिलो लिग रियलले १-० ले जितेको थियो । बार्यनको घरेलु मैदानमा भएको खेलमा रियलको जितमा क्रिष्टियानो रोनाल्डो र सर्जिओ रामोसले २/२ गोल गरे ।