शाहरुख खान भन्दा कपिल शर्मा लोकप्रिय

बलिउडका कलाकार मध्ये सबैभन्दा बढी स्टार भ्यालु भएका कलाकार हुन शाहरुख खान । बलिउडमा किङ मानिने खान धेरै क्षेत्रमा अन्य कलाकारभन्दा अगाडी छन् । फेसबुकको फ्यान फलोइङ पनि मजबुद बनाएका खानलाई पछि पार्दै अगाडि बढेका छन् एक कमेडियन । उनी हुन कपिल शर्मा । ८३ लाख लाइक्सको पेज समालिरहेका खानलाई अहिले चर्चामा रहेका र रातारात सेलिब्रेटि बनेका शर्माले १० लाखभन्दा बढी लाइक्सले जितेका हुन् ।

फेसबुक पेजमा भएको लाइक्सले अहिले दर्शकले शाहरुकलाई भन्दा कपिललाई बढि मनपराएको देखिन्छ । कपिल ‘कमेडी नाइट्स विथ कपिल’ नामक टीभी शोका सञ्चालक हुन् । यो शो कलर्स टेलिभिजनमा प्रत्येक दिन शनिबार र आइतबार आउने गरेको छ ।

 आफूले शाहरुखलाई जितेकोमा खुसी हुँदै कपिलले आफूले शाहरुखलाई फेसबुक लाइक्समा जितेपनि कुनै घमण्ड नरहेको बताएका छन् । घमण्ड पाले त्यो आफ्नो नालायकीपना हुने उनको भनाई छ । यद्यपी कपिल सलमान खान र अमिताभ बच्चनको लाइक्स भन्दा कम छन् ।