‘गुन्डा नाइके’ अभिषेक गिरी पक्राउ (भिडियोसहित)

काठमाडौं, श्रावण २१ । विभिन्न आपराधिक घटनामा संलग्न रहेको भन्दै प्रहरीले ‘मोष्ट वान्टेड’ सूचीमा राखेका गुन्डा नाइके अभिषेक गिरीलाई प्रहरीले पक्राउ गरेको छ । पछिल्लो पटक ललितपुका अच्युतप्रसाद रेग्मीलाइ अपहरण गरेको अभियोग लागेका गिरीलाई ललितपुर प्रहरीले पक्राउ गरेको हो ।

गिरीसहित अन्य ३ जनालाई पनि प्रहरीले पक्राउ गरेको छ । पक्राउ पर्ने अन्य व्यक्तिहरुमा गिरीकी प्रेमिका शारदा भन्ने कविता शाक्य, राजु श्रेष्ठ र मिलन लिम्बु रहेका छन् ।

गिरीकी प्रेमिकालाई प्रयोग गरी उनीहरुले अच्युत रेग्मीलाई अपहरण गरेको र १ लाखको फिरौती लिएको र ९० हजारको कागज बनाएको प्रहरीले जनाएको छ ।

गिरीमाथि अकूत सम्पत्ति जम्मा गरेको अभियोग पनि लागेको छ ।