‘स्तरीय एवं मौलिक संगीतको धार, नेपाली गीतसंगीतको आधार’ भन्ने मूल मन्त्रलाई अघि सार्दै ‘तेश्रो पटक पनि अवार्डलाई निरन्तरता दिइएको आयोजकको दाबी छ ।
म्यूजिकखबर डट कमले आयोजना गर्न लागेको अवार्डको सर्वोत्कृष्ट सुगम संगीत एल्बमतर्फ आलाप २, जित, द पेन एण्ड देवेन, तिम्रो आँचल, सत्यता छन् । यस्तै सर्वोत्कृष्ट सुगम संगीत गायिकातर्फ अन्जना गुरुङ, अन्जु पन्त, काव्या आचार्य, रजिना रिमाल, रिमा गुरुङ ‘होडा’ नोमिनेशनमा परेका छन् ।
यस्तै सर्वोत्कृष्ट सुगम संगीत गायकतर्फ कन्हैया सिंह, प्रमोद खरेल, शिव परियार, शिशिर योगी, स्वरुपराज आचार्य नोमिनेशनमा छन् । यी बाहेक सुगम संगीत संगीतकार, सुगम संगीत गीतकार, म्यूजिक भिडियो निर्देशक सुगम संगीत, म्यूजिक भिडियो मोडल पुरुष, म्यूजिक भिडियो मोडल महिला विधाका पनि नोमिनेशन सार्वजनिक गरिएको छ ।
सुगम संगीत म्यूजिक भिडियो महिला मोडलतर्फ अनु शाह, करिष्मा मानन्धर, झरना बज्रचार्य, निता ढुंगाना र निष्मा घिमिरे नोमिनेशनमा परेका छन् । भिडियोमा नायिकाहरुको व्यस्तता सिनेमामा भन्दा ज्यादा देखिदा यसको प्रभाव अवार्डको नोमिनेशनमा पनि परेको छ ।
अवार्डमा उत्कृष्ट एरेन्जर, मिक्सिङ, सुगम संगीत नवप्रतिभा, युगल गायन, गजल, चलचित्र संगीतकार, पाश्र्व गायक, पाश्र्व गायिका, चलचित्र गीतकार, लोकगीत, लोकदोहोरी म्यूजिक भिडियो निर्देशक, लोकदोहोरी म्यूजिक भिडियो मोडल पुरुष र महिला, लोकदोहोरी नवप्रतिभा, लोकदोहोरी गायक, लोकदोहोरी गायिका, लोकदोहोरी भाका, लोकदोहोरी शब्द, पप संगीत, पप गायन, राष्ट्रिय गीतका विधा पनि समावेश छन् ।
