ह्‍यात होटलमा जितबहादुरको पारिवारिक मिलन

काठमाडौं- भारतीय प्रधानमन्त्री नरेन्द्र मोदीसँगै आएका उनका धर्मपुत्र भनिएका जितबहादुरले आफ्नो परिवासँग भेटघाट गरेका छन्। दुई दिने औपचारिक भ्रमणमा आएका मोदीसँगै नेपाल आएका जितबहादुरले ह्‍यात होटलमा परिवासँग भेटघाट गरेको भारतीय विदेश मन्त्रालयका प्रवक्ता साइद अकबरुद्धिनले जनाएका छन्। उनले अफसियल ट्विटरबाट परिवारिक मिलनको तस्बिर सार्वजनिक गरेका छन्।


कामका लागि भारत गएका जितबहादुर उतै हराएका थिए। गुजरातको मुख्यमन्त्री रहँदा नरेन्द्र मोदीले जितबहादुरलाई भेटेका थिए। मोदीले जितबहादुरलाई धर्मपुत्र बनाइ पालेका थिए। जितबहादुरको घर नवलपरासीको लौकहीमा हो।



हिजोमात्रै मोदीले ट्विटरमार्फत् जितबहादुरलाई उनको परिवारसँग भेटाउन आतुर रहेको बताएका थिए।

(भिडियोसहित)