उनले आफ्नो परिवारले झापा र मोरङको जग्गा बेचेर आफुलाई पढाएको दाबी गर्दै उनले अर्पणको परिवारलाई उनलाई सहयोग गरेको प्रमाणका साथै बैंक स्टेटमेन्ट देखाउन चुनौती दिएकी छन् । ‘ड्याडीले मलाई पढाउन झापा र मोरङमा रहेको जग्गा बेच्नुभएको थियो । मसँग यो सबै रेकर्ड छ,बैंक स्टेटमेन्ट छ । म अर्पणको परिवारलाई एकपटक बैंक स्टेटमेन्ट देखाउन सक्नुहुन्छ भनेर प्रश्न सोध्न चाहन्छु । त्यती बेला उहाँ लण्डनमा पनि हुनुहुन्थ्यो अनि कसरी पठाउनुभयो यहाँबाट मलाई पैसा ? करोडौंको सम्पत्ती कहिल्यै पनि अर्पणसँग थिएन’ खुश्वुले अर्पणको परिवारले उनको अध्ययनका लागि सहयोग गरेको दाबीको खण्डन गर्दै नयाँ पत्रिकासँग भनेकी छन् । किन छाड्नि खुश्वुले अर्पणलाई ? खुश्वुले अर्पणसँस सम्बन्ध विग्रनुको मुख्य कारण आर्थिक भएको खुलासा गरेकी छन् ।
उनले अर्पणले जथाभावी खर्च गरेर पैसा सकाउने बानीले आफुलाई हैरान पारेको र विस्तारै त्यसले सम्बन्धलाई नै धराशयी बनाएको बताइन् । ‘पैसाको कारोवारलाई विगार्यो,अर्पणलाई । मेरो बुबाले अर्पणलाई दिनु भनेर हस्ताक्षरसहितको खाली चेक दिनुहुन्थ्यो । त्यति विश्वास गर्नुहुन्थ्यो । तर उसले ड्याडीको पैसा फिर्ता गर्दा २५ लाखको बाउन्स चेक दियो । अर्को चेक त झन् बाउन्स नै गराएका छैनौं । उसले विश्वासघात गर्यो । मेरो भिनाजुसँग विरगन्ज गएर एक करोड लिएर आएको थियो । तिरेन । तिर्न मनसाय पनि देखाएन । अर्पणको न आजसम्म व्यापार छ न व्यापार छ,न पैसा नै छ ।
हाम्रो हाम्रो रिलेसन टुटेको मुख्य कारण यो पनि हो । केटाहरु लिएर हिँड्ने खुवाउने । ‘अर्पण दाइ तपाई त’ भन्दै केटाहरु फुक्र्याउँथे । उ त्यत्तिमै रमाउँथ्यो । दरबारमार्गको एउटा फोन पसलबाट ५० जनाभन्दा बढीलाई आइफोन किनिदियो । त्यहाँ मात्र १५–२० लाख तिरेको होला । क्यासिनोमा झन् कति पैसा उडायो । जहिले गएर फाइभस्टारमा खानलाई त दिगो आउने आयस्रोत हुनुपर्यो नि । जो मान्छेसँग आफ्नो स्ट्यान्ड छैन,करिअर छैन,त्यस्तो मान्छेलाइ मैले कति चोटी चान्स दिने ?’अर्पणसँग सम्बन्ध टुट्नुको कारण आर्थिक मात्र हो कि अरु पनि हो भन्ने प्रश्नको जवाफमा खुश्वुले भनेकी छन् । खुश्वुले चरीलाई अर्पणले सहयोग गरेको कुरा समेत बाहियात भएको बताएकी छन् ।
