क्रिकेट प्रशिक्षक पुबुदु दासानायकेको सम्झौता एक वर्ष थप

काठमाडौं, असार १७ – अन्ततः प्रशिक्षक पुबुद्धु दशानायकेको सम्झौता नविकरण गर्ने भएको छ । नेपाली क्रिकेटको स्तरलाई माथि उठाउन ठूला भूमिका खेलेका प्रशिक्षक पुबुद्धुलाई पैसा नभएको कारण देखाउँदै नेपाल क्रिकेट संघ (क्यान) ले सम्झौता नविकरण गर्न आनाकानी गरेपछि चौतर्फी दबाब आएपछि  उनको सम्झौता नविकरण गर्न गरिने भएको हो । मन्त्रीस्तरीय निर्णयबाट उनको करार एक वर्षका लागि थपिने भएको छ ।
पुबुद्धुसँगको सम्झौता सोमबार सकिएको थियो । एक वर्ष सम्झौता नविकरण गर्ने भनेपनि क्यानले मसेलिया जानुअघि तीन महिने सम्झौता थमाएको थियो । जसबाट उनी दुःखी बनेका थिए । नेपाली क्रिकेट टोलीका कप्तान पारस खड्काले पुबुद्धुको सम्झौता नविरकण नगर्ने हो भने आफूले पनि क्रिकेट नखेल्ने चेतावनी दिएका थिए । पुवुद्धु हाल क्यानडामा छन् ।