वैद्यसँग मिलेर नयाँ शक्तिको निर्माण : बाबुराम

काठमाडौं : एमाओवादीका नेता बाबुराम भट्टराईले मोहन वैद्यको नेतृत्वमा रहेको माओवादीसँग एकता गरेर छिटै नयाँ शक्तिको निर्माण हुने बताएका छन्। चीनबाट मंगलबार स्वदेश फर्केका भट्टराईले भने, वैद्यजीसँग हाम्रो एकता हुने संभावना छ।

विचार फरक भए पनि संगठनमा उहाँको र मेरो लाइन मिल्छ। उहाँसँगै मिलेर नयाँ शक्तिको निर्माण हुन्छ।' भट्टराईले पहिले धोबीघाट गठबन्धनमा पनि वैद्यसँग आफ्नो लाइन मिलेको र त्यो पवित्र गठबन्धन रहेको बताए।