२५ बैशाख, धुर्कोट (गुल्मी) । भारतमा मजदुरी गर्दा चिट्ठामा परेको क्यामरा लिएर फोटो खिच्ने व्यवसाय सुरु गरेका गुल्मीका एक व्यक्ति सोही व्यवसायबाटै करोडपति बनेका छन् ।
विसं २०३४ मा भारतमा एक–डेढ सय रूपैयाँ पर्ने रिलवाला क्यामरा हात परेपछि फोटोग्राफर बन्ने सपना बोकेका नन्दराम पाण्डे अहिले गुल्मीको सदरमुकाम तम्घासमा त्यही व्यवसायबाटै करोडौँको मालिक बन्नुभएको हो ।
अर्घाखाँचीको भगवती–९ मा जन्मनुभएका ६१ वर्षीय पाण्डेले गुल्मीको सदरमुकाम तम्घासमा उतिबेलैदेखि पाण्डे फोटो स्टुडियो खोलेर व्यवसाय सुरु गर्नुभएको थियो ।
करिब ३५ वर्ष पहिले सानो तम्घास बजारमा व्यावयाय चल्ने नचल्ने आशङ्काकैबीचमा फोटो स्टुडियो सञ्चालन गरेका नन्दराम अहिले सफल र उदाहरणीय बन्नुभएको छ ।
‘पाण्डे फोटो स्टुडियो’ उहीलेदेखि अहिलेको आधुनिक तम्घाससम्मको चर्चित र लोकप्रिय नाम बनेको छ । क्यामरा पाएपछि करिब दुई वर्ष फोटोग्राफरको काम सिकेका पाण्डे आफँै मलिक बन्ने चाहना आएपछि नयाँ स्टुडियो खोलेर आफ्नै व्यवसाय सुरु गरेको बताउनुहुन्छ ।
गरे के हुन्न भनेर प्रवासबाट स्वदेश फर्किएका पाण्डेले अहिले तम्घासको व्यस्त बसपार्कमा आफ्नै तीन तले घर बनाउनुभएको छ भने नजिकै घडेरी जोड्नुभएको छ ।
घरको न्यूनतम मूल्य डेढ करोड पर्ने र घडेरी पनि रु ५० लाखभन्दा बढीको मूल्याङ्कन गर्न सकिने उहाँका छिमेकी गोपाल भुसाल बताउनुहुन्छ । उहाँले घरको एक सटर र कोठमा फोटो स्टुडियो सञ्चालन गर्नुभएको छ ।
त्यसमा उहाँले आफूले फोटो स्टुडियो सुरु गर्दादेखि राजा वीरेन्द्र, बिपी कोइराला र त्यसपछिका राजा, प्रधानमन्त्री तथा विशिष्ट व्यक्तिहरू गुल्मी आउँदा खिचेको फोटो सजाएर राख्नुभएको छ ।
उहाँको स्टुडियो एउटा सङ्ग्रहालय जस्तै देखिन्छ । यो व्यवसायलाई सफल बनाउन श्रीमती धनादेवीको पनि ठूलो हात रहेको उहाँले बताउनुभयो ।
नन्दरामका तीन छोराहरूमध्ये जेठा भैरहवामा फर्निचर व्यवसाय गर्छन् भने माइला छोराले बाबुको व्यवसायलाई निरन्तरता दिएका छन् । कान्छा अर्जुन पढ्दैछन् । आफूले स्टुडियो चलाउँदा एउटा मात्र पाण्डे फोटो स्टुडियो रहेको सदरमुकाममा अहिले करिब ४० वटा र जिल्लाभर त्यसको दोब्बर सङ्ख्यामा फोटो स्टुडियो छन् । रासस
विसं २०३४ मा भारतमा एक–डेढ सय रूपैयाँ पर्ने रिलवाला क्यामरा हात परेपछि फोटोग्राफर बन्ने सपना बोकेका नन्दराम पाण्डे अहिले गुल्मीको सदरमुकाम तम्घासमा त्यही व्यवसायबाटै करोडौँको मालिक बन्नुभएको हो ।अर्घाखाँचीको भगवती–९ मा जन्मनुभएका ६१ वर्षीय पाण्डेले गुल्मीको सदरमुकाम तम्घासमा उतिबेलैदेखि पाण्डे फोटो स्टुडियो खोलेर व्यवसाय सुरु गर्नुभएको थियो ।
करिब ३५ वर्ष पहिले सानो तम्घास बजारमा व्यावयाय चल्ने नचल्ने आशङ्काकैबीचमा फोटो स्टुडियो सञ्चालन गरेका नन्दराम अहिले सफल र उदाहरणीय बन्नुभएको छ ।
‘पाण्डे फोटो स्टुडियो’ उहीलेदेखि अहिलेको आधुनिक तम्घाससम्मको चर्चित र लोकप्रिय नाम बनेको छ । क्यामरा पाएपछि करिब दुई वर्ष फोटोग्राफरको काम सिकेका पाण्डे आफँै मलिक बन्ने चाहना आएपछि नयाँ स्टुडियो खोलेर आफ्नै व्यवसाय सुरु गरेको बताउनुहुन्छ ।
गरे के हुन्न भनेर प्रवासबाट स्वदेश फर्किएका पाण्डेले अहिले तम्घासको व्यस्त बसपार्कमा आफ्नै तीन तले घर बनाउनुभएको छ भने नजिकै घडेरी जोड्नुभएको छ ।
घरको न्यूनतम मूल्य डेढ करोड पर्ने र घडेरी पनि रु ५० लाखभन्दा बढीको मूल्याङ्कन गर्न सकिने उहाँका छिमेकी गोपाल भुसाल बताउनुहुन्छ । उहाँले घरको एक सटर र कोठमा फोटो स्टुडियो सञ्चालन गर्नुभएको छ ।
त्यसमा उहाँले आफूले फोटो स्टुडियो सुरु गर्दादेखि राजा वीरेन्द्र, बिपी कोइराला र त्यसपछिका राजा, प्रधानमन्त्री तथा विशिष्ट व्यक्तिहरू गुल्मी आउँदा खिचेको फोटो सजाएर राख्नुभएको छ ।
उहाँको स्टुडियो एउटा सङ्ग्रहालय जस्तै देखिन्छ । यो व्यवसायलाई सफल बनाउन श्रीमती धनादेवीको पनि ठूलो हात रहेको उहाँले बताउनुभयो ।
नन्दरामका तीन छोराहरूमध्ये जेठा भैरहवामा फर्निचर व्यवसाय गर्छन् भने माइला छोराले बाबुको व्यवसायलाई निरन्तरता दिएका छन् । कान्छा अर्जुन पढ्दैछन् । आफूले स्टुडियो चलाउँदा एउटा मात्र पाण्डे फोटो स्टुडियो रहेको सदरमुकाममा अहिले करिब ४० वटा र जिल्लाभर त्यसको दोब्बर सङ्ख्यामा फोटो स्टुडियो छन् । रासस
