२३ वैशाख, पर्वत । पर्वतको पाङ्गराङ्गका युवाहरुले तरकारीको बिउ उत्पादन गरेर वाषिर्क १० लाखभन्दा बढीको आम्दानी गरेका छन् ।वैदेशिक रोजगारीका लागि विदेश जानुभन्दा स्वदेशमै कृषि कर्म गर्ने मनसाकायसाथ स्थानीय युवाहरुले श्रीकाङ्गबेसी कृषि बिउ उत्पादक समूहको स्थापना गरी सामुहिक उत्पादनबाट लाखौँको आम्दानी लिन सफल भएका हुन् ।
पैसा कमाउनका लागि विदेशमा नै जानुपर्छ भन्नेका लागि यो गतिलो उदाहरण बनेको छ । गाउँमा बेरोजगार र विदेशमा परिश्रम गरेर आएका ३० जना जति युवायुवतीको समुहले सामुहिक उत्पादन सुरु गरेको पहिलो वर्षमा नै लाखौँको आम्दानी भएपछि उनीहरु हौसिएका छन् ।वैदेशिक रोजगारीका लागि विदेश गएका युवा र स्थानीय युवाहरुले समूह बनाएर सामुहिक खेती सुरु गरेका थिए । हाल उनीहरुले विभिन्न समयमा मौसमी तथा बेमौसमी तरकारी तथा तरकारीका बिउ उत्पादन गरेर गतिलो आम्दानी गरिरहेका छन् ।
उनीहरुको समुहले वर्षा र हिउँदको समयमा फरकफरक मौसमी तरकारी तथा विउ उत्पादन गरिरहेका छन् । वषातमा गोलभेँडा, काँक्रो तथा हिउँदमा मुला, सिलो केराउ, घिउसिमी लगायतका बिउको उत्पादन समूहले गरिरहेको छ ।
युवाहरुलाई प्रोत्साहन गर्नका लागि जिल्ला कृषि विकास कार्यालयले पानी रोक्नका लागि टार्ट तथा प्लाष्टिकको स्प्रे अनुदानस्वरुप दिएको छ । उत्पादित बिउ सिड नेपाल तथा काठमाण्डौ निर्यात गरिने समूहले जनाएको छ ।
.jpg)
