भारतीय इन्टरटेनमेण्ट च्यानल जि टिभीको लोकप्रिय रियालिटी शो डीआइडी लिल मास्टर्स मा यतिबेला एक नेपाली वालिकाले निक्कै हंगामा गरिरहेकी छिन् । रुपन्देहीको बुटवलबाट प्रतिस्पर्धामा गएकी तेरिया मगर डीआइडी लिल मास्टर्स को यस पटकको सिजनमा टप ८ मा पुगिसकेकी छिन् । आफ्नो फेसियल एक्सप्रेसन र नृत्यबाट जजहरुलाई मन्त्रमुग्ध पार्दै आएकी उनी फाइनलिष्ट बन्ने अपेक्षा समेत गरिएको छ ।उनीले गरेको प्रत्येक नृत्यमा जजहरुले खुलेर प्रशंसा गरेको देखिन्छ । उनको पछिल्लो नृत्यमा मिथुन चक्रवर्तीले नेपाल सुन्दर देश भएको भन्दै तेरियालाई नेपालकी रानीको सज्ञा समेत दिएका छन् । भारतीय टेलिभिजनका रियालिटी शोमा निक्कै उच्चस्तरको प्रतिस्पर्धा हुने गरेको छ । विशाल जनसंख्या भएको देशमा गएर नेपाली चेलीले गरेको यो प्रगति निक्कै प्रशंसनीय ।
