काठमाडौं, श्रावण २२ । ‘चरी’ उपनामले चिनिने गुण्डा नाइके दिनेश अधिकारीको घटना छानविन गरी दोषीलाई कारवाही गर्न आफन्तहरुले माग गरेका छन् । गृह मन्त्री बामदेव गौतमसंग आज बिहान मन्त्री निवास पुल्चोकमा भेट्न पुगेका उनीहरुले अधिकारीको नियोजित ढंगले हत्या गरीएको बताएका छन् ।घटना सम्बन्धमा सरकार मौन रहेको भन्दै उनीहरुले निष्पक्ष छानविन गरी दोषिलाई कारवाही नगरे आन्दोनल गर्ने धम्की दिएका छन् । गृह मन्त्री गौतमले घटना सम्बन्धमा छानविन गरीने आश्वासन दिएका छन् । गृह मन्त्री गौतमलाई भेट्न धादिङ्का सभासद् र अधिकारीका आफन्त मन्त्री निवास पुगेका थिए ।
प्रहरीले भने चरी प्रहरी कारबाहीमा मारिएको बताउदै आएको छ । प्रहरीले हत्या, गुण्डागर्दी, अपहरण र असुली जस्ता अनगिन्ती अभियोगमा चरी संलग्न रहेको जनाएको छ ।
