त्रिचन्द्र क्याम्पस आगलागीमा संलग्‍न एक पक्राउ

काठमाडौं : त्रिचन्द्र क्याम्पसको पुस्तकालयमा भएको आगजनीमा संलग्न एक व्यक्तिलाई पक्राउ गरिएको छ। महानगरीय प्रहरीको विषेश टोलीले प्रवीण कैनी भनिने रामबहादुर दोर्जेलाई तनहुँबाट पक्राउ गरेको हो।
घटनामा संलग्न अर्का व्यक्ति कमल बुढा भने फरार छन्।
गत आइतबार क्याम्पसको पुस्तकालयमा भएको प्रेमिका सम्बन्धी विबादले उग्र रुप लिएपछि पुस्तकालयमा खुकुरी हानाहान र आगलागी भएको थियो। आगलागीबाट पुस्तकालयका महत्वपूर्ण पुस्तक तथा भौतिक सामग्री जलेर नष्ट भएको थियो।