उदयपुर, आषाढ १८ । उदयपुरको बेल्टार नगरपालिका वडा नम्बर ५ मा गएराती स्थानीय युवाहरुबीचको झगडाको क्रममा एक महिलाको हत्या भएको छ । झगडा छुट्याउन गएकी स्थानीय ४५ बर्षिया लक्ष्मी थापालाई एक समूहले घनले हानी हत्या गरिएको प्रहरीले जनाएको छ ।मादक पदार्थ सवेन गरी एउटा मोटरसाइकलमा आएका तीन जना युवाहरुले रेखबहादुर कटुवाल र रमेश थापालाई कुटपीट गर्न शुरु गरेपछि लक्ष्मी थापा झगडा छुटाउन गएकी थिइन् ।
फलामकै घनले टाउकोमा लागेका रेख बहादुर कटुवालको पनि गम्भिर अवस्थामा भारतको सिलगुडीमा उपचार भईरहेको प्रहरीले जनाएको छ । आक्रमण गर्ने युवाहरु रत्न बहादुर मगर, बुद्धिमान दाहाल र गणेश श्रेष्ठलाई भाग्दै गरेको अवस्थामा प्रहरीले नियन्त्रणमा लिएको छ ।
.jpg)
