प्रेमीलाई नपाएपछि सम्पदाले किन हात काटिन् ?(भिडियो)

संचारकर्ममा लामो समयदेखि लागेका दयाराम घिमिरे अब भिडियो निर्देशक बनेका छन् । उनले निर्देशन गरेको एक गीतको म्यूजिक भिडियो तयार भएको छ । काठमाण्डौमा आयोजना गरिएको एक कार्यक्रममा भिडियो सार्वजनिक गरिएको हो ।
‘सानु’ एल्बममा समावेश यो गीतमा शिव परियारको स्वर छ । कार्यक्रममा ‘सानु’ एल्बमको पनि बिमोचन गरिएको थियो । एल्बममा ७ गीत समावेश गरिएको छ । जसमा शिव परियार, राजेश पायल राई, मनोज राज, प्रविशा अधिकारी, दिपक लिम्बु, विकास चौधरीको स्वर छ । एल्बममा समावेश सम्पूर्ण गीतमा तेनहाङ् राइले संगीत भरेका छन् । एल्बमका गीतमा राजेश विद्रोहीले शब्द कोरेका छन् ।
हार्दिक मिडियाले प्रस्तुत गरेको एल्बमका गीतहरुलाई दर्शकले मन पराउने विश्वास गरिएको छ । भिडियोमा सम्पदा बाँनिया र जीवनले अभिनय गरेका छन् । निर्देशक घिमिरेले अब आफू अन्य भिडियोमा पनि व्यस्त हुने जानकारी दिए ।